Navegación por
Etiqueta: Música tradicional

Un fandango para os nazis

Un fandango para os nazis

A principios dos anos corenta, chega ao País Vasco francés, o director de cine alemán Herbert Brieger. Coñecido documentalista, afín ao nazismo, chegou a esas terras para dar unha visión costumista e chea de tópicos, desde o pobo mariñeiro e montañés, ata a exaltación dos costumes e cultura propia. A película non foi licenciada ata o ano 1944, un ano antes da derrota alemá na II Guerra Mundial e foi distribuída pola recoñecida UFA. Sen embargo, dado que a guerra estaba a piques de rematar, suponse que a película non tivo unha grande distribución e permaneceu perdida durante máis de 50 anos, ata que no ano 2000 apareceu unha copia en perfecto estado de conservación.
Na película pódese ver un percorrido desde o pobo mariñeiro, os caseríos das montañas, a exaltación da pelota vasca e, non podía faltar, unha representación da danza e música tradicional.

Esta escena é realmente interesante, pois nela saen catro dantzaris, dous homes e dúas mulleres, vestidos co traxe tradicional e un acordeonista que toca para eles. Hai que destacar que a escena está moi ben rodada, permitindo ver os puntos dos dantzaris e escoitar perfectamente a música, algo que non ocorre noutras escenas do documental.

+info no extenso traballo sobre a película e o director titulado El País Vasco visto por el cine de los nazis [PDF] de Santiago de Pablo e Teresa Sandoval, a descubridora do filme no ano 2000.

+info no documental Una esvástica sobre el Bidasoa de Alfonso Andrés e Javier Barajas.

Rondalla Sta. Eulalia de Mos vs AC/DC

Rondalla Sta. Eulalia de Mos vs AC/DC

Pero que carallo é isto…
Pois a incrible versión que fai a Rondalla de Santa Eulalia de Mos de todo un himno xeracional como é o Thunderstruck dos lendarios AC/DC.

Trikitixa en Pasaia

Trikitixa en Pasaia

Nesta ocasión viaxamos ata o País Vasco, en concreto, ao Porto de Pasaia.
Chega a terra o trasatlántico de luxo Adonia. Os pasaxeiros baixan a terra e son recibidos por un dúo de musica tradicional vasca, composto por trikitixa e pandeireta.

A escea sae na película Pasaia Bitartean (Gorostidi Agirretxe, 2016).

Sambeando en Aitaré da praia

Sambeando en Aitaré da praia

Seguimos na procura de escenas de películas con música tradicional e seguimos, de xeito paradoxal, con películas de cine mudo. Nesta ocasión traio unha escena da película brasileira Aitaré da praia (Gentil Roiz, Ary Severo; 1925) na que nunha festa organizada por unha personaxe influínte do pobo toca un trío para facer un baile. A instrumentación do trío consta dun acordeón diatónico, posiblemente un cavaquinho e algo que podería ser un instrumento de percusión, pero que non se aprecia moi ben.

Destacar que nos intertítulos aparecen dúas estrofas da canción:

“Eu entrei de mar adentro
fui pegar dois tubarão
errei um, ferrei outro
já’vi peixe valentão”.

“Eu entrei de mar adentro
prá brigar com a marisia
quando eu ia, ella voltava
quando eu voltava, ella ia”.

O nome do trío é descoñecido, máis segundo as palabras dun dos produtores, fora unha mágoa que non houbera son xa que o grupo tiña unha grande calidade musical.

Ialma vs The Bangles: Walk like an Egyptian

Ialma vs The Bangles: Walk like an Egyptian

Ialma é un grupo formado en Bruxelas, pero con fondas raigames galegas, grazas ás catro pandereteiras que o forman. Acaban de publicar o seu quinto traballo titulado “Camiño de Bruxelas a Santiago” e The Bangles é un grupo estadounidense, do ano 81, formado só por mulleres e que chegou a ter algún éxito moi coñecido naqueles anos.

Un destes éxitos foi o tema “Walk like an Egyptian“, que seguro que moitos lembrades. Así que desta volta van as pandereteiras de Ialma contra as guitarras e ¡pandeireta” das Bangles.

Ao continuar empregando o sitio, aceptas o uso de cookies. máis información

Os axustes de cookies para esta páxina están para "aceptar cookies" para darche a mellor experiencia posible ao navegar por este sitio. Se segues empregando esta páxina sen trocar os teus axustes de cookies ou premes en "Aceptar" estás a dar o teu consentimento a estes axustes.

Close