Navegación por
Etiqueta: cine

Un fandango para os nazis

Un fandango para os nazis

A principios dos anos corenta, chega ao País Vasco francés, o director de cine alemán Herbert Brieger. Coñecido documentalista, afín ao nazismo, chegou a esas terras para dar unha visión costumista e chea de tópicos, desde o pobo mariñeiro e montañés, ata a exaltación dos costumes e cultura propia. A película non foi licenciada ata o ano 1944, un ano antes da derrota alemá na II Guerra Mundial e foi distribuída pola recoñecida UFA. Sen embargo, dado que a guerra estaba a piques de rematar, suponse que a película non tivo unha grande distribución e permaneceu perdida durante máis de 50 anos, ata que no ano 2000 apareceu unha copia en perfecto estado de conservación.
Na película pódese ver un percorrido desde o pobo mariñeiro, os caseríos das montañas, a exaltación da pelota vasca e, non podía faltar, unha representación da danza e música tradicional.

Esta escena é realmente interesante, pois nela saen catro dantzaris, dous homes e dúas mulleres, vestidos co traxe tradicional e un acordeonista que toca para eles. Hai que destacar que a escena está moi ben rodada, permitindo ver os puntos dos dantzaris e escoitar perfectamente a música, algo que non ocorre noutras escenas do documental.

+info no extenso traballo sobre a película e o director titulado El País Vasco visto por el cine de los nazis [PDF] de Santiago de Pablo e Teresa Sandoval, a descubridora do filme no ano 2000.

+info no documental Una esvástica sobre el Bidasoa de Alfonso Andrés e Javier Barajas.

Cervexa Jever en Panke

Cervexa Jever en Panke

En 1848 Diedrich König funda a cervexaría Friesisches Brauhaus zu Jever na cidade de Jever (Baixa Saxonia, Alemaña). A cervexa que fabricaba chamábase Jever e nos seus inicios tivo que soportar unha competencia brutal pois na zona había máis de vinte cervexarías. En 1867 morre o fundador e o fillo véndea a Theodor Fetköter que intenta converter unha empresa familiar nunha gran cervexaría grazas ao emprego de anuncios e botellas especiais. As dúas guerras mundiais supuxeron momentos duros para a fábrica. Na primeira, o fillo de Fetköter, responsable da cervexaría naqueles momentos, foi enviado ao fronte onde morreu. Na segunda, a dificultade para atopar combustible fixo que a cervexa so se puidera mercar ás portas da fábrica, pois non había posibilidade de distribuíla. Co paso dos anos a cervexaría vai sendo mercada por industrias máis potentes e hoxe en día pertence a Oetker Group.

A cervexa máis coñecida é a Jever Pilsener, unha cervexa tipo Pilsen, de 4,9% (ABV) e 33 IBU, cunha nota de 3,05/5 en Ratebeer e de 3,19/5 en Untappd.

Imaxe de Ratebeer

 

Imaxe de Untappd

Panke é un medio-metraxe do arxentino Alejo Franzetti (Arxentina, 2016) na que conta a historia de Amadou, un emigrante de Burkina Faso, que agora vive en Marsella. Amadou ten que viaxar ata Berlín para facer os trámites para repatriar o corpo do seu irmán Issaka, ao seu país de orixe. Unha historia sobre a emigración, a morte, a familia, contada dun xeito especial e arriscado.

Nun fotograma da película podemos ver a Amadou na casa do seu irmán falecido, sentíndose como un estraño e atopa na terraza unha curiosa construción de botellas de cervexa Jever.

Trikitixa en Pasaia

Trikitixa en Pasaia

Nesta ocasión viaxamos ata o País Vasco, en concreto, ao Porto de Pasaia.
Chega a terra o trasatlántico de luxo Adonia. Os pasaxeiros baixan a terra e son recibidos por un dúo de musica tradicional vasca, composto por trikitixa e pandeireta.

A escea sae na película Pasaia Bitartean (Gorostidi Agirretxe, 2016).

Sambeando en Aitaré da praia

Sambeando en Aitaré da praia

Seguimos na procura de escenas de películas con música tradicional e seguimos, de xeito paradoxal, con películas de cine mudo. Nesta ocasión traio unha escena da película brasileira Aitaré da praia (Gentil Roiz, Ary Severo; 1925) na que nunha festa organizada por unha personaxe influínte do pobo toca un trío para facer un baile. A instrumentación do trío consta dun acordeón diatónico, posiblemente un cavaquinho e algo que podería ser un instrumento de percusión, pero que non se aprecia moi ben.

Destacar que nos intertítulos aparecen dúas estrofas da canción:

“Eu entrei de mar adentro
fui pegar dois tubarão
errei um, ferrei outro
já’vi peixe valentão”.

“Eu entrei de mar adentro
prá brigar com a marisia
quando eu ia, ella voltava
quando eu voltava, ella ia”.

O nome do trío é descoñecido, máis segundo as palabras dun dos produtores, fora unha mágoa que non houbera son xa que o grupo tiña unha grande calidade musical.

Mercando a revolución

Mercando a revolución

Case sen querer, a democracia foi declarada morta.
Primeiro foi anoada de pés e mans, coa aparición da falsa clase media, que esquece de onde vén e soña a onde vai, sen decatarse que non se move do sitio.
Logo foi torturada, apancada, malferida, criando falsos medos para estarmos quietiños. Homes do saco vestidos de rusos, terroristas, árabes ou inmigrantes. Aterradas, as xentes, inmóbiles, quedan no sitio.
Morta.
Resucitada cada catro anos (ou meses, no mellor/peor dos casos). Sae á rúa como esas figuras de madeira, chea de trillas, de homes e mulleres mortos hai tempo, que ninguén lembra quen foron nin que fixeron para ter esa honra de ser paseados por devotos fieis de memoria feble.
Morta de novo.

Un dos actos cotiás máis revolucionario e paradoxal é mercar. Mercar con conciencia, con sentido, e sobre todo, non mercar explotación laboral, explotación infantil, escravitude, recursos espoliados, miseria.
Imposible facelo en cada e en toda situación. Paso a paso, pouco a pouco.

Desta volta a película gratuíta da semana é a produción de National Geographic dirixida por Fisher Stevens e que emprega a Leonardo DiCaprio como fío condutor, titulada como “Before the flood en FA” (Antes da marea ou Antes do asolagamento). Cousas que xa están pasando e que, de non tomar medidas, farán un mundo cada vez máis pobre, inxusto e inviable.

Actualización 09/11/2016
Semella que National Geographic retirou a película da súa canle. Así que enlazo a unha ligazón alternativa.

Ao continuar empregando o sitio, aceptas o uso de cookies. máis información

Os axustes de cookies para esta páxina están para "aceptar cookies" para darche a mellor experiencia posible ao navegar por este sitio. Se segues empregando esta páxina sen trocar os teus axustes de cookies ou premes en "Aceptar" estás a dar o teu consentimento a estes axustes.

Close