Navegación por
Etiqueta: cine

Unha gaita escocesa no día D

Unha gaita escocesa no día D

Non se pode dubidar de que a gaita é o instrumento nacional en Escocia. Un dos elementos claves, entre outros, para a súa difusión foi a conexión entre a gaita escocesa, as bandas de gaitas e o exército Británico. A tradición xa vén de antigo. Durante o século XVIII, os xefes das Terras Altas (Highlands) adoitaban levar ao seu gaiteiro persoal cando comandaban os seus exércitos cara a unha batalla. Sen embargo ata o ano 1854 os gaiteiros non foron recoñecidos como tal pola Oficina de Guerra do Reino Unido.
A mediados do século XIX, as bandas de gaitas, formadas por gaitas e percusións, fóronse desenvolvendo para tocar nas longuísimas marchas a pé para manter un ritmo constante e a moral da tropa elevada. Dado que estas bandas eran cada vez máis populares, pasaron a formar do entretemento das tropas, non só nas marchas, se non tamén nos campamentos. Neses anos o Exército Británico expandiuse por todo o mundo e con el os batallóns escoceses e, por suposto, as bandas de gaitas, que chegaron así a tódolos continentes. De esta situación vén a inclusión da gaita como arma de guerra, xa que era moi importante á hora de manter a moral da tropa e como un medio para xerar certo pánico no inimigo, incluso en datas tan recentes como a I e a II Guerra Mundial.

O vídeo de hoxe fai referencia, precisamente, á II Guerra Mundial e, en concreto, á data decisiva do Desembarco de Normandía. O fragmento corresponde á película canadense Storming Juno (Tim Wolochatiuk, 2010), na que xusto antes do desembarco pódese ver a un gaiteiro interpretando unha desas pezas emotivas e morriñentas tan típicas do folclore escocés.

Cervexa Tecate Light en Hell Boy 2

Cervexa Tecate Light en Hell Boy 2

¿Que non pode facer ese son inconfundible dun lata de cervexa cando se abre? Pois é quen de unir a dous seres cunha apariencia ben estraña, é quen de poñelos a cantar unha canción empalagosamente romántica e non sei cantas cousas máis. Polo menos, iso é o que pasa cando un par de monstros se poñen a beber unha Tecate Light na película Hellboy 2.

Así que desta vez toca falar da cervexa mexicana Tecate que aparece na película Hellboy 2: O exérciro dourado (Guillermo del Toro, 2008, EEUU).
A cervexeira Tecate foi fundada no ano 1944 no pobo do mesmo nome na Baixa California, México. Pasados dez anos foi mercada pola Cervecería Cuauhtémoc, unha empresa fundada a finais do século XIX. Nos anos 80, a empresa Moctezuma, tras unha grave crise financieira, fusiónase con Cuauhtémoc e forman o grupo Cuauhtémoc Moctezuma. Como tantas veces ten ocurrido, as empresas grandes compran as pequenas e no ano 1994, o grupo canadiano Labatt, faise coa compañía mexicana. Na actualidade forma parte do grupo Heineken. Tecate foi a primeira marca en empregar o formato lata en México.
A Tecate Light é unha cervexa rubia de estilo Lager (American Light), de tan só 3,7 graos. Como podedes imaxinar, aínda que sexa a cervexa favorita dun diaño roxo como unha centola, a cervexa Tecate Light non é ningunha marabilla, tal como confirman as puntuacións en Ratebeer e Untappd.

Na película, Hellboy aparece en varias ocasións bebendo Tecate Light, deixamos un par de vídeos subidos por Luena Rincón e Joshua Riveros.

The Sidewalks of New York nun filme dos anos 20

The Sidewalks of New York nun filme dos anos 20

Annabelle Lee (William J. Scully, 1921) é unha película sobre un deses amores case imposibles, nos que a diferencia de clase é un impedimento difícil de superar. Nesta ocasión o protagonista decide botarse á mar para conquistar os favores do pai da súa amada, Annabelle. No filme hai unha escena onde varios mariñeiros cantan acompañados dun acordeón. Nun dos intertítulos, podemos ler

East side, West side
All around the town

Así que é bastante probable, que os mariñeiros estean cantando a famosa canción “The sidewalks of New York“, un tema con claras lembranzas á música de taberna morriñenta que tanto gusta aos irlandeses. E así é, pois foi composto polo irlandés emigrado aos EEUU, Charles B. Lawlor e letra de James W. Blake e conseguiu acadar un grande éxito a finais dos anos 90 do século XIX e foi interpretado por numerosos artistas ao longo do século XX (+info en The Sidewalks of New York, en inglés)

Esta é a montaxe da escea do filme e a canción interpretada por Robert Sean Leonard.

De cañas no Madrid dos anos 50

De cañas no Madrid dos anos 50

Brigada Criminal (Ignacio F. Iquino, 1950) conta a historia dun policía recén licenciado e o primeiro caso que lle toca levar e infiltrarse nun lavadoiro de coches pra intentar coller aos culpables duns pequenos roubos que se fan nun garaxe. Ao tempo, o que semellaba un caso sinxelo vaise complicando pouco a pouco.

O caso é que en Brigada Criminal aparecen dous policías tomando unha caña, moi ben tirada por certo, nun bar de Madrid, preto da estación Alonso Martínez, nos anos cincuenta. O tirador é moi probable que sexa de cervexas El Aguila e o establecemento probablemente sexa o bar La Concha.
Tal e como se pode ver nesta foto da páxina Madrid Antiguo, a semellanza é bastante fiable.

Trotsky e México, dúas revolucións

Trotsky e México, dúas revolucións

León Trotsky foi un dos persoeiros máis carismáticos e influíntes da primeira metade do século pasado e unha figura clave, tanto na Revolución Rusa como no desenrolo ideolóxico do comunismo en Europa. Falar de Trostky e preguntar que tería sido da URSS e do comunismo é todo un. Imaxinar como sería unha URSS sen Stalin no poder é unha cuestión sen resposta, pero seguramente o mundo sería ben distinto a como o coñecemos hoxe en día. Ou se cadra non. Vai ti saber.

A cuestión é que Stalin, de orixe humilde, sen moito carisma e intelectualmente limitado, sempre tivo envexa dun Trostky cunha presenza magnética e unha formación académica exquisita. En canto Lenin morreu, Stalin fixo o que puido por afastar a Trotsky do poder, eliminalo da historia da revolución e intentar eliminalo fisicamente.
Trostky caeu en desgraza do réxime comunista e vagou polo mundo, buscando un asilo político que lle foi denegado en todos os países ata que chegou ao México revolucionario de Lázaro Cárdenas. Despois de varios intentos fallidos, Stalin conseguía o seu obxectivo, Trotsky morría a golpe de piolet a mans do comunista español, Ramón Mercader.

O seguinte filme fala desa parte da Historia que puido cambiar o mundo tal e como o coñecemos.
Trostky e México, dúas revolucións do século XX do mexicano Adolfo García Videla.

Trotsky y México, Dos Revoluciones del Siglo XX from Adolfo García-Videla on Vimeo.

Ao continuar empregando o sitio, aceptas o uso de cookies. máis información

Os axustes de cookies para esta páxina están para "aceptar cookies" para darche a mellor experiencia posible ao navegar por este sitio. Se segues empregando esta páxina sen trocar os teus axustes de cookies ou premes en "Aceptar" estás a dar o teu consentimento a estes axustes.

Close