End of History ou a cervexa máis rara do mundo

End of History ou a cervexa máis rara do mundo

Unha das cervexerías máis recoñecidas polas súas etiquetas e o xeito de facer algunha das súas cervexas é, sen dúbida, a escocesa BrewDog, un dos lemas da empresa xa o di todo “Beer for punks” (Cervexa para punkis). Son recoñecidos polos seus estilos transgresores e innovadores, sacando ao mercado cervexas envellecidas en barrís de whisky, facer experimentos para a súa propia serie de TV: BrewDogs ou entrar na carreira por conseguir a cervexa con máis graos alcólicos do mundo.

Nesta carreira de fondo, os escoceses levan batendo rexistro tras rexistro as marcas dos competidores, usando unha técnica baseada na conxelación fraccionada extrema, moi ben explicada en How To Make Strong Beer Stronger: a cervexa conxelada, vai perdendo auga, concentrando o alcol cada vez máis, ata conseguir cervexas de máis de 30 graos. A última, ata agora, destas creacións, foi a cervexa chamada End of History (Fin da Historia), unha frikada de nada menos que 55% de ABV. Ademais de ser a cervexa máis forte de mundo é a máis cara, pois só sacaron 12 botellas ao mercado a un prezo de máis de 500 libras esterlinas. Para rizar o rizo, non se lles ocurreu mellor idea que facer un deseño orixinal, un taxidermista preparou doce esquíos que morreron atropelados na estrada para aloxar no seu interior unha botella de 33 cl.
Sen dúbida unha cervexa que non deixa indiferente.

Para rematar, o vídeo de presentación da cervexa polos dous xefes de Brewdog, no que contan a historia desa carreira imparable e explican o nome da cervexa. Un vídeo moi WTF!!

The End of History from BrewDog on Vimeo.

Deixa unha resposta

O teu enderezo electrónico non se publicará Os campos obrigatorios están marcados con *

Ao continuar empregando o sitio, aceptas o uso de cookies. máis información

Os axustes de cookies para esta páxina están para "aceptar cookies" para darche a mellor experiencia posible ao navegar por este sitio. Se segues empregando esta páxina sen trocar os teus axustes de cookies ou premes en "Aceptar" estás a dar o teu consentimento a estes axustes.

Close